Archive for category কবিতা

হৃদয়ৰ গান

নিবিড় সন্ধ্যা প্ৰকাশ কৰো মনৰ কথা,

শুনিবানে তুমি কিমান মোৰ ভালপোৱা ?

তোমাক দেখাৰ পৰা মোৰ মন উৰি ফুৰে,

দূৰ দিগন্তত উৰি ফুৰা পখীৰ দৰে |

মন নবহে ক’তো, মাথো ৰচে সপোন,

তুমি চিৰ মোৰ বাবে অন্তৰৰ দাপোন |

তোমাকেই বিচাৰো নয়ন যেনিয়ে যায়,

অলেখ ৰং বিচাৰি পালো তোমাক লগ পায় |

 

[প্ৰকাশ: ‘আই’; আগষ্ট সংখ্যা ২০১৩]

Advertisements

Leave a comment

মাতৃভাষা

ভাল পাওঁ আমি আমাৰ

মৰমৰ মাতৃভাষা,

প্ৰকাশ কৰো সহজে সকলো

অনুভূতি ও মনৰ আশা |

নানা ভাষা শিকো আমি

দেশী, বিদেশী আৰু অন্যান্য,

অতিকৈ আপোন সবাটোকৈ সুৱলা

হে মাতৃভাষা তুমি ধন্য |

বিশ্বৰ সৈতে খোজ মিলাবলৈ

অতি আৱশ্যক ইংৰাজী শিক্ষা,

সেইবুলি জানো অৱহেলা কৰিম

নিজ মাতৃভাষাৰ পঢ়া-লিখা ?

 

[প্ৰকাশ: ‘আৰম্ভণি’ ; তাৰিখ: ২০ জুন ২০১৩]

Leave a comment

প্ৰতিযোগিতা

ইমান চিন্তা কিহৰ বাবে,

ইমান দুখ কিয় ?

তোমাৰ প্ৰতিযোগিতা কাৰ লগত,

তোমাৰ প্ৰতিদ্বন্দী কোন ?

 

[প্ৰকাশ: ‘মন-সংযোগ’; তাৰিখ: ১০ মাৰ্চ ২০১২]

Leave a comment

আপোন

কোন আপোন, কোন পৰ…

যাক আপোন ভাবো,

তেওঁ দেখোন বহু আঁতৰত |

অথচ, যি পৰ,

তেওঁক পাওঁ নিচেই কাষত |

 

[প্ৰকাশ: ‘মন-সংযোগ’;  তাৰিখ: ৯ মাৰ্চ ২০১২]

Leave a comment